Nursultan Nazarbaev Pýtınge prezıdenttik saılaýda sáttilik tiledi

ASTANA. QazAqparat - Aqordada ótip jatqan Ortalyq Azııa elderi basshylarynyń jumys (konsýltatıvtik) kezdesýinde Elbasy Nursultan Nazarbaev Reseı basshysy Vladımır Pýtınge prezıdenttik saılaýda sáttilik tiledi, dep habarlaıdy QazAqparat tilshisi.

«Árıne, biz Ortalyq Azııa elderimen jáne Qazaqstanmen ǵana shektelip qalamyz dep aıtpaımyz. Bizde Reseı men Qytaı Halyq Respýblıkasy sııaqty alyp kórshiler bar, olarmen úlken baılanystamyz. Barlyq kóliktik baǵdarlar - bul Reseı, al Jibek joly - bul Qytaı», - dedi Elbasy.

Qazaqstan Prezıdenti atalǵan alyp eldermen, úlken naryqtarmen yntymaqtastyqty belsendi túrde jalǵastyra beretindigimizdi aıtty.

«Reseıde saılaýdyń jaqsy ótýine tilektespiz. Árıne, biz Vladımır Vladımırovıch Pýtınge sáttilik tileımiz», - dedi Qazaqstan Prezıdenti.

Sonymen qatar Nursultan Nazarbaev búgingi kezdesý jemisti bolatyndyǵyna, qol jetkizilgen ýaǵdalastyqtar memleketter arasyndaǵy qarym-qatynasty nyǵaıtyp, halyqtardyń ıgiligine qyzmet etetindigine senim artty.

Aıta keteıik, keńeske Qyrǵyzstan Respýblıkasynyń Prezıdenti Sooronbaı Jeenbekov, Tájikstan basshysy Emomalı Rahmon, Ózbekstan Respýblıkasynyń Prezıdenti Shavkat Mırzıeev jáne Túrikmenstan Medjlısi tóraıymy Akdja Nýrberdyeva hanym qatysýda.