Nursultan Nazarbaev prezıdenttik ınstıtýttan ósip, Ult kóshbasshysy boldy - Zarema Sháýkenova
«Nursultan Nazarbaev týraly kóp jazyldy jáne jazyla beredi. Onyń Qazaqstannyń jańa tarıhyndaǵy róli, tulǵa retindegi qarqyny, jeke qasıetteri, Otan men halyq aldyndaǵy eńbegi jaıynda áli talaı aıtylady. Tuńǵysh Prezıdenttiń erekshe qasıtetteriniń biri - halqymyzdyń kemeńgerligine senýi», - dep jazdy Zarema Sháýkenova Facebook paraqshasynda.
Onyń aıtýynsha, qazirgi tańda saıası kóshbasshylyq faktory úlken mánge ıe.
«Saıası kóshbasshylardyń moınynda úlken tarıhı mindet pen jaýapkershilik turady. Olar memleket pen qoǵamnyń túbegeıli ózgerý protsesin basqarady. Nursultan Nazarbaev fenomeni prezıdenttik ınstıtýttan ósip, Ult kóshbasshysy - Elbasy deńgeıine jetken. Muny N. Nazarbaevtyń áleýmettik monıtorıngterdegi reıtıngi aıǵaqtaıdy. Onyń reıtıngi daǵdarysqa toly 2008-2009 jyldary da 85% tómen túspegen. Bul da kóptegen qazaqstandyqtar úshin Elbasynyń túraqtylyq kepili bola alǵanyn bildiredi. Nátıjesinde demokratııalyq, óz kúshine senimdi, áleýmetke baǵyttalǵan, álemdik qaýymdastyq moıyndaǵan Qazaqstan bar», - dedi ol.
N. Nazarbaevtyń eńbegin halyqtyń moıyndaýy memlekettik bılikti bir adamnyń uzaq basqarýynan týyndaıtyn «saıası sananyń eskirýi» fenomenin joıady.
«Kóptegen sheteldik sarapshylar Qazaqstannyń Tuńǵysh Prezıdentiniń saıası turaqtylyǵyn mańyzdy saıası resýrs jáne áleýmettik kapıtal retinde qabyldaıdy. Brıtandyq jazýshy Djonatan Aıtken Nursultan Ábishuly týraly bylaı dep jazǵan: «Ol suńǵyla saıasatker jáne biregeı saıası uzaq basqarýshy. Halyqaralyq arenada ózin tabysty, baıqaǵysh saıasatker retinde qalyptastyra aldy». Tabysty prezıdenttik ınstıtýty qıyn saıası, ekonomıkalyq jáne áleýmettik ózgeristerdi júzege asyrýǵa múmkindik berdi. Qazaqstan basshysy saıası kóshbasshy retinde úlgi bola aldy, zııatkerlik ınnovatsııalardy dástúrmen, bedelmen, turmystyq tájirıbemen jáne zor pragmatızmmen ushtastyra bildi. Sondyqtan, Nazarbaevtyń barlyq saıası jáne ekonomıkalyq jobalary tabysty boldy», - deıdi Zarema Sháýkenova.
