Nursultan Nazarbaev Prezıdent bolýdyń qıyndyǵy týraly aıtty

ASTANA. QazAqparat - Qazaqstan Prezıdenti Nursultan Nazarbaev Memleket basshysy bolý qıyn ba degen suraqqa jaýap berdi, dep habarlaıdy QazAqparat.

Arhıvtik suhbattyń úzindisi QR Prezıdenti Teleradıokesheniniń áleýmettik jelidegi paraqshasynda jarııalandy.

«Naǵyz kóshbasshy bolýdyń qıyndyǵy- ol seniń bárin aldyn ala boljaı bilýiń. Sen jetekte júrgen emes, jetekteýshi adamsyń. Sondyqtan qaıda jetelep kele jatqanyńdy bilýiń kerek. Árıne, qasyńda ıdeıa berip, jazyp, taldap, usynyp otyratyn kóp keńesshileriń men kómekshileriń bolady. Biraq óziń sheshim qabyldaýyń kerek. Olar jazyp bergenderi úshin jaýap bermeıdi. Sheshim qabyldap, sol sheshim úshin jaýap beretin - Prezıdent. Prezıdenttiń jalǵyz bolýy degen osy. Onda óziń ǵana otyryp, jumys isteısiń», - deıdi Nursultan Nazarbaev.