Nursultan Nazarbaev Polsha Respýblıkasynyń Prezıdenti Andjeı Dýdamen kezdesti
Memleket basshysy áńgimelesý barysynda A.Dýdany Polshanyń BUU Qaýipsizdik Keńesiniń turaqty emes múshesi retindegi qyzmetiniń bastalýymen quttyqtady.
«Búgingi kezdesý qarym-qatynastarymyzdy talqylaý úshin bizge zor múmkindik beredi. Polshanyń Birikken Ulttar Uıymy Qaýipsizdik Keńesiniń 2018-2019 jyldardaǵy turaqty emes múshesi retindegi qyzmetiniń bastalýymen quttyqtaımyn», - dedi Qazaqstan Prezıdenti.
Nursultan Nazarbaev Qazaqstan men Polshanyń BUU Qaýipsizdik Keńesi jumysyndaǵy ustanymdarynyń uqsastyǵyn atap ótti.
«Bizdiń oı-pikirimiz ben Birikken Ulttar Uıymy Qaýipsizdik Keńesindegi jumys baǵytymyzdyń uqsas bolǵanyna qýanyshtymyn. Meniń Varshavaǵa saparym jáne Sizdiń ótken jylǵy Astanaǵa saparyńyz áli esimde. Mundaı kezdesýler bizdi ári elderimizdi jaqyndata túsedi», - dedi Qazaqstan Prezıdenti.
A.Dýda kezdeskenine jáne ekijaqty yntymaqtastyqtyń ózekti máselelerin talqylaý múmkindiginiń bolǵanyna rızashylyq bildirdi.
