Nursultan Nazarbaev pen Sı Tszınpın birlesken málimdemege qol qoıdy
ASTANA. QazAqparat - Aqordada QR Prezıdenti Nursultan Nazarbaev pen QHR Tóraǵasy Sı Tszınpın birlesken málimdemege qol qoıdy, dep habarlaıdy QazAqparat.
Munan bólek, Qazaqstan men Qytaı Úkimetteri arasyndaǵy Qazaqstanǵa tikeleı ınvestıtsııa salýdy júzege asyratyn Qytaı-Qazaqstan óndiristik qýattarynyń yntymaqtastyǵy qory kirisiniń jekelegen túrlerin salyq salýdan bosatý týraly kelisim, Qazaqstan men Qytaı Úkimetteri arasyndaǵy Qorǵas ózeninde Úshkirbulaq birlesken sel ustaıtyn bóget salý yntymaqtastyq kelisimi, QR Aýyl sharýashylyǵy mınıstrligi men Qytaıdyń sapany qadalaǵalaý, ınspektsııa jáne karantın bas basqarmasy arasyndaǵy Qazaqstannan QHR-ǵa eksporttalatyn muzdatylǵan usaq mal etine qoıylatyn ınspektsııalyq karantın talaptary men veterınarııalyq-sanıtarııalyq talaptar jónindegi hattama, QR Qarjy mınıstrligi men QHR Memlekettik salyq ákimshiligi arasyndaǵy salyq máseleleri jónindegi ózara túsinistik jáne yntymaqtastyq memorandýmy, QR men QHR Úkimetteri arasyndaǵy sýperkompıýterlerdi usyný jobasy jónindegi yntymaqtastyq memorandýmy, QR men QHR Úkimetteri arasyndaǵy zerthanalyq jabdyqtardy usyný kelisimi, QR Investıtsııalar jáne damý mınıstrligi men QHR Saýda mınıstrligi arasyndaǵy kóliktik ınfraqurylym salasyndaǵy yntymaqtastyqty nyǵaıtý memorandýmy, «Samuryq-Qazyna» UÁQ pen Qytaıdyń halyqaralyq saýdaǵa qolǵabys kórsetý komıteti arasyndaǵy yntymaqtastyq týraly kelisim, QR men QHR Úkimetteri arasyndaǵy birlesken kıno óndirisi salasyndaǵy yntymaqtastyq kelisimi, «Qazaqstan» TRK men Qytaıdyń ortalyq televıdenıesi arasyndaǵy ózara túsinýshilik jáne yntymaqtastyq memorandýmy, QR Tuńǵysh Prezıdenti - Elbasy kitaphanasy men Qytaıdyń qoǵamdyq akademııasy arasyndaǵy ǵylymı-mádenı yntymaqtastyq kelisimi rásimdeldi.
