Nursultan Nazarbaev pen Sı Tszınpın bes jylda 14 ret kezdesken - Global Times

BEIJІŃ. QazAqparat - Qytaıdyń aǵylshyn tilindegi beldi basylymdarynyń biri Global Times QHR Tóraǵasy Sı Tszınpın men Qazaqstan Prezıdenti Nursultan Nazarbaevtyń 5 jyldaǵy kezdesýleri týraly ınfografıka jarııalady, dep habarlaıdy «QazAqparat» HAA-nyń Qytaıdaǵy menshikti tilshisi.

«2013 jyldan bastap QHR Tóraǵasy Sı Tszınpın Qazaqstan Prezıdenti Nursultan Nazarbaevpen 14 ret kezdesken. Ol «Jibek joly ekonomıkalyq beldeýin» qalyptastyrý bastamasyn alǵash ret bes jyl burynǵy saparynda Qazaqstanda aıtty», - dep jazady basylym.

Infografıkada eki memleket basshylarynyń kezdesken jeri men datasy kórsetilgen: 2013 jylǵy 6 sáýir (Boao Azııa forýmy), 2013 jylǵy 7 qyrkúıek (Sı Tszınpınniń Qazaqstanǵa sapary), 2014 jylǵy 23 naýryz (ıAdrolyq qaýipsizdik jónindegi sammıt, Gaaga), 2014 jylǵy 19 mamyr (N. Nazarbaevtyń Qytaıǵa sapary), 2014 jylǵy 12 qyrkúıek (ShYU sammıti, Dýshanbe), 2015 jylǵy 7 mamyr (Sı Tszınpınniń Qazaqstan Respýblıkasyna sapary), 2015 jyldyń shildesi (ShYU sammıti, Ýfa), 2015 jylǵy 31 tamyz (N. Nazarbaevtyń QHR-ǵa sapary), 2016 jyldyń naýryzy (ıAdrolyq qaýipsizdik jónindegi sammıt, Vashıngton), 2016 jylǵy 24 maýsym (ShYU sammıtindegi kezdesý, Tashkent), 2016 jylǵy 2 qyrkúıek (N. Nazarbaevtyń QHR-ǵa sapary), 2017 jylǵy 14 mamyr («Bir beldeý, bir jol» Joǵary deńgeıli forýmyndaǵy kezdesý), 2017 jylǵy 8 maýsym (Sı Tszınpınniń Qazaqstan Respýblıkasyna sapary), 2018 jylǵy 7 maýsym (N. Nazarbaevtyń QHR-ǵa sapary, Tsındaodaǵy ShYU sammıti).

Eske sala keteıik, 2018 jyldyń qyrkúıeginde Qytaıdyń «Bir beldeý, bir jol» bastamasyna 5 jyl tolady.