Nursultan Nazarbaev pen onyń otbasynda qandaı artyqshylyqtar qaldy
QR Ádilet mınıstri Azamat Esqaraev burynǵy prezıdent Nursultan Nazarbaev pen onyń otbasynda qandaı artyqshylyqtar qalǵany jóninde suraqtarǵa jaýap berdi, dep habarlaıdy Kazinform.
«Qazaqstan zańnamasy Nursultan Nazarbaev pen onyń otbasyna arnaıy artyqshylyqtar bergen normalardan tolyq tazardy dep aıta alamyz ba?» - dep suraq qoıdy tilshiler Úkimet kýlýarynda.
«Bul jumys jalǵasyp jatyr jáne zańnamaǵa tıisti túzetýler engizildi, biraq munyń bári qańtarda qabyldanǵan zańdy júzege asyrýdyń qısyndy jalǵasy boldy. Jumys áli de júrgizilýde», - dep jaýap berdi Ádilet mınıstri.
Sonymen birge, jýrnalıster burynǵy prezıdent pen onyń otbasynda qandaı artyqshylyqtar qalǵanyn surady.
«Onyń (N. Nazarbaevtyń – red.) qol suǵylmaýshylyq kepildigi bar, kólik qyzmetine quqyǵy bar, tıisti turǵyn úımen qamtamasyz etilgen. Bul kepildikter onyń otbasyna berilmeıdi», - dedi A.Esqaraev.
