Nursultan Nazarbaev pen Qasym-Jomart Toqaev Vladımır Pýtınmen telefon arqyly sóılesti

ASTANA. QazAqparat - Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev pen Memleket basshysy Qasym-Jomart Toqaev Reseı Federatsııasynyń Prezıdenti Vladımır Pýtınmen telefon arqyly sóılesti, dep habarlaıdy Aqordanyń resmı saıty.

Áńgimelesý barysynda Vladımır Pýtın eki jaqty odaqtastyq qarym-qatynastardy damytýǵa zor eńbek sińirgeni úshin Nursultan Nazarbaevqa alǵys bildirip, onyń Eýrazııalyq ıntegratsııa jobasyn iske asyrýdaǵy tarıhı rólin atap ótti.

Reseı Prezıdenti Qazaqstannyń Tuńǵysh Prezıdentiniń Eýrazııa ekonomıkalyq odaǵy aıasyndaǵy yntymaqtastyqty nyǵaıtý úderisterine belsendi atsalysa beretinine senim bildirdi.

Sonymen qatar, Vladımır Pýtın Qasym-Jomart Toqaevty Memleket basshysy laýazymyna kirisýimen quttyqtap, jaýapty qyzmetine tabys tiledi.

Memleketter basshylary Qazaqstan men Reseıdiń barlyq saladaǵy syndarly yntymaqtastyǵyn odan ári ilgeriletý úshin tyǵyz yqpaldastyqta bolýǵa, sondaı-aq kún tártibindegi halyqaralyq ózekti máselelerdi sheshý jolynda birlese jumys isteýge ýaǵdalasty.

Sondaı-aq, Vladımır Pýtın Qazaqstan Prezıdenti Qasym-Jomart Toqaevty jaqyn arada Reseı Federatsııasyna saparmen kelýge shaqyrdy.