Nursultan Nazarbaev óziniń naǵyz halyqtyń Prezıdenti ekendigin taǵy da dáleldedi - V. Kosarev
ASTANA. 12 maýsym. QazAqparat - «Memleket basshysy Nursultan Nazarbaev óziniń naǵyz halyqtyń Prezıdenti ekendigin taǵy da dáleldedi.
Onyń tek halyqtyń, qarapaıym qazaqstandyqtardyń múddesin oılaıtynyna taǵy da kóz jetkizdik. Sonaý qıyn-qystaý 90-shy jyldarda da solaı bolǵan edi, qazir de Prezıdentimiz azamattardyń, qarapaıym áıelderdiń muńyn estip, dál solaı jasady»,-dedi búgin Parlament Májilisiniń jalpy otyrysynda depýtat, Májilistegi QKHP "Halyq kommýnısteri" fraktsııasynyń jetekshisi Vladıslav Kosarev.
«Sondaı-aq, men Elbasynyń Úkimet pen Ulttyq banktiń zeınetaqy jónindegi zań jobasyn halyqqa túsindirýdegi jumysyna bergen baǵasy bizdiń fraktsııanyń áý basta jasaǵan eskertpelerimen úndesedi»,- dedi ol.
Vladıslav Kosarevtiń aıtýynsha, fraktsııa Úkimetke dál mundaı mańyzdy máseleniń qarapaıym halyqpen kelisilmeı jasalyp jatqandyǵyn eskertken.
Depýtat Prezıdenttiń bul usynysy Qazaqstan áıelderiniń múddesin qorǵaýda óte mańyzdy sheshim bolǵandyǵyn qadap aıtty.
«Sondyqtan, "Halyq kommýnısteri" fraktsııasy Memleket basshysynyń atalmysh zań jobasyna engizgen ózgeristerin tolyq qoldaıdy»,-dedi V. Kosarev.
