Nursultan Nazarbaev: Ózin-ózi jumyspen qamtý - salyqtan tikeleı jaltarý
«Búkil álemde saqtandyrý - azamattardy áleýmettik qorǵaýdyń mańyzdy tarapy, al saqtandyrý uıymy - iri ınvestor. Bizdiń elimizde de saqtandyrýdy damytý, saqtandyrý qyzmetiniń qoljetimdilik deńgeıin kóterý qajet. Bul rette medıtsınadaǵy saqtandyrý da qalyp qoımaýy tıis. Bul progressıvti baǵyt, túptep kelgende bizge alǵa jyljý kerek. (...) Qazir qorǵa salymdar túsip jatyr. Jaqyn kelip qaraǵanymyzda ol jerde máseleniń az emestigi anyqtaldy. Bizde ózin-ózi jumyspen qamtyǵan 2,7 mln. adam bar eken. Barlyq ýaqytta da áleýmettik qorǵaý mınıstrlerinen «álemde «ózin-ózi jumyspen qamtyǵan» sózi qaıda bar?» dep suraımyn. Bul salyq tóleýden tikeleı jaltarý. «Ózin-ózi jumyspen qamtý» degenimiz osy», - dedi QR Prezıdenti.
Osy oraıda Memleket basshysy ózin-ózi jumyspen qamtyǵandarǵa memleket qalaı kómek kórsetetindigin túsindirip ótti.
«Biz jumyssyzdar úshin sheshim qabyldadyq, eger jumysyń bolmasa, onda aýylda shaǵyn nesıe beremiz. Eki sıyr satyp alyp, sat nemese baqsha ósirip, memleketke tóle. Jaqsy jumys isteseń, kelesi jyly 5 ese (shaǵyn nesıe) beremiz. Al munymen kim aınalysqysy kelmeı qalaǵa barsa, onda tegin oqytyp, jumysqa turǵyzamyz», - dedi Elbasy.
Sonymen qatar Prezıdent medıtsınalyq saqtandyrýǵa kóshýge áli erte ekendigin eskertti.
«Bizde mundaı máseleler bar kezde medıtsınalyq saqtandyrýǵa kóshemiz dep nesine aıtasyzdar? Aldymen máseleni sheship alaıyq. Másele sheshilgennen keıin sizdermen jáne Parlamentpen birlesip ortaq sheshim qabyldaımyz», - dedi Elbasy Densaýlyq saqtaý mınıstri Eljan Birtanovqa qarata.
