Nursultan Nazarbaev ózi salǵan sýretter kórmesin ótkizbek
«Áıteýir ózimmen aınalysýdy armandaǵan edim. Biraq, bolmaı jatyr. Men qabyldaýymdy ótingenderdi qabyldaımyn. Qazir men eshkimdi shaqyrmaımyn. Meniń Konstıtýtsııalyq, zańdyq mindetim - partııamen aınalysý. Men partııanyń, Qazaqstan halqy Assambleıasynyń, Qaýipsizdik Keńesiniń basshysymyn. Túrli halyqaralyq forýmdarǵa shaqyrýlardan da bas tarta almaımyn. Eýrazııalyq ekonomıkalyq odaqtyń qazirgi ýaqytta Qurmetti tóraǵasymyn. Endi Túrkitildes memleketter basshylary keńesiniń Qurmetti tóraǵasy dep te saılady. Dúısenbi kúni Bakýde ótetin keńesine baramyn. Mundaı forýmda Qazaqstanǵa qatysty máseleler, onyń túrli memlekettermen qarym-qatynasy, saýda-sattyǵy de sheshiledi. Kelisimderge qol qoıylady. Demek, men osy isterim arqyly halqyma, elime jumys isteımin», - dedi QR Tuńǵysh Prezıdenti.
Sonymen qatar Elbasy baıaǵydan bergi armanymen de bólisti.
«Aqyryndap maıly boıamen sýret salamyn, peızaj salamyn. Mýzeıge aıaqtalǵannan keıin qoıamyn. 30 sýret kerek dep aıtady. Mende qazir 30 sýret bar. Tabıǵatty salamyn. Jaýhar týyndy emes shyǵar, biraq, dostarym, tanystar kórmege qoıýymdy surap otyr. »Toqtaı turyńdar, aldymen salyp biteıin. Odan keıin qoıamyn«, deımin. Munymen baıaǵydan aınalysqym kelgen edi. Biraq oǵan ýaqyt bolmady. Dombyradan bólek gıtarada oınaǵym keldi. Qazir osy ýaqytqa deıin qolym tımegen túrli kitaptardy kóp oqımyn. Saıası jáne kórkem ádebı de týyndylar bar», - dedi Nursultan Nazarbaev.
Sondaı-aq QR Tuńǵysh Prezıdenti bos ýaqytynda balalaryna, nemerelerine kóbirek kóńil bólýge tyrysatyndyǵyn da aıtty.
«Prezıdenttikindeı kúndelikti qaýyrt tirshiligim joq. Jeńildep qaldym. Barlyq isti, jumysty baqylap otyramyn. Aqyldassa, aqylymdy aıtamyn. Aqyldaspasa, aqylymdy aıtpaımyn. Biraq, birdeńe durys bolmaı jatsa, árıne beıjaı otyra almaımyn»,- dedi QR Tuńǵysh Prezıdenti.
