Nursultan Nazarbaev óz densaýlyǵyna qalaı qaraıtynyn aıtyp berdi
«Medıtsınada kún saıyn bir jańalyqtar shyǵyp jatady. Áıtpese, jarnamany tyńdap kórseń, ne jeıtinińdi bilmeı qalasyń. Búgin kofeni ishýge bolady deıdi. Ertesinde zııandy dep jazyp jatady. Kúni keshe men qyzyl etke qatysty bir materıal oqydym. Ony da densaýlyqqa paıdasy joq dep keldi. Al maldyń maıy eń paıdaly deıdi. Osyny adamnyń ózi ǵana anyqtaı alady. Seniń deneń, aǵzań ony qabyldaı ma, joq pa, óz belgi beredi», - dedi N.Nazarbaev Qazaqstan halqy Assambleıasynyń XXVІ sessııasynda.
Osy oraıda Prezıdent dáriger mamandardy daıarlaý jumysyna basa nazar aýdarý qajettigine toqtaldy. Osy jumysqa adam óz qalaýymen kelýi tıis.
Aıta keteıik, Qazaqstan halqy Assambleıasynyń XXVІ sessııasynda QR Ulttyq bank tóraǵasy Danııar Aqyshev Prezıdentke «7-20-25» baǵdarlamasy týraly aıtyp berdi. Memleket basshysy atalǵan bastama aıasynda arzan ıpotekany aldymen jas otbasylarǵa berýdi usyndy. Sondaı-aq, Prezıdent Shymkenttegi toılardy synǵa aldy.
