Nursultan Nazarbaev Ortalyq Azııa men AQSh yntymaqtastyǵynyń jańa formaty jaıynda aıtty

ASTANA. QazAqparat - QR Prezıdenti Nursultan Nazarbaev AQSh-qa resmı saparynyń qorytyndysyna oraı qazaqstandyq jáne sheteldik BAQ ókilderine suhbat berip, Ortalyq Azııa men AQSh yntymaqtastyǵynyń jańa formaty jaıynda aıtty, dep habarlaıdy QazAqparat.

«Bizdiń Ortalyq Azııadaǵy kórshilerimizben yntymaqtastyǵymyzdyń keleshegi zor. Biz naýryz aıynda kezdesip,  jyldan-jylǵa ret-retimen sheship otyrý qajetti shekara, sý resýrstary jáne basqa da ortaq máselelerdi talqylaýǵa kelistik. Ol úshin óńir elderiniń ortaq kelisimi qajet. Árıne, óńirdegi barlyǵymyzǵa da amerıkalyq qarjy men tehnologııa tıimdi bolady. Sondyqtan da S5+1 ıdeıasyna qoldaý kórsettim. Birinshi toqsanda sonyń aıasynda Syrtqy ister mınıstrleriniń keńesi ótedi», - dedi Qazaqstan Prezıdenti BAQ ókilderiniń saýalyna oraı.

Ortalyq Azııa elderi arasyndaǵy yntymaqtastyqtyń jarqyn úlgisi retinde Nursultan Nazarbaev Qazaqstan men Ózbekstan arasyndaǵy taýar aınalymynyń arta túsýin atady.

«Bizdiń elderimiz arasyndaǵy taýar aınalymy 2 mlrd dollarǵa deıin artty. Prezıdent Sh.Mırzıeevpen shekarany ashýǵa jáne ózara is-qımylǵa qolaıly jaǵdaı jasaýǵa ýaǵdalasqan edik», - dedi Qazaqstan Prezıdenti.