Nursultan Nazarbaev ómir standarty jaıynda sóz qozǵady

ASTANA. QazAqparat - Qazaqstandaǵy ómir standarty ortasha álemdik kórsetkishpen salystyrǵanda 100 ese shyndyqqa jaqyn. Bul týraly búgin Aqordada Qazaqstannyń áıelder qaýymy ókilderimen «Kóktem shýaǵy» atty kezdesý barysynda Elbasy Nursultan Nazarbaev aıtty, dep habarlaıdy QazAqparat.

«Bizdiń ómir standartymyz ortasha álemdik kórsetkishke qaraǵanda 100 ese shyndyqqa jaqyn», - dedi Memleket basshysy. Osy rette Qazaqstan Prezıdenti adam qajettiliginiń arta túsýi qalypty qubylys ekendigin basa aıtty.

«Sıngapýr baı memleketterdiń biri sanalady. Men eldi uzaq ýaqyt basqarǵan burynǵy basshysynan: «Sizderde bir adamǵa 60 myń dollardan keledi. baspanamen qamtamasyz etýdesizder, bári de jaqsy turady. Olardyń suranystary bar ma?», - dep suradym. Ol: «Árıne, bolǵanda qandaı. Páterde turatyndar jeke úıli bolǵylary keledi. Toıota minip júrgender Mersedesi bolǵanyn qalaıdy», - dep jaýap bergen edi. Bul durys ta. Adamnyń yntyzarlyǵy jumys isteýge, aqsha tabýǵa ıtermeleıdi jáne búkil qoǵamdy ilgeriletedi»,-  dedi Nursultan Nazarbaev.