Nursultan Nazarbaev OIC15 forýmyn qurýdy usyndy

ASTANA. QazAqparat - Islam uıymynyń aldyńǵy qatarly on bes memleketi birigip, OIC15 forýmyn qurý kerek. Bul týraly búgin Islam yntymaqtastyq uıymynyń ǵylym jáne tehnologııalar jónindegi sammıtinde Elbasy Nursultan Nazarbaev málim etti, dep habarlaıdy QazAqparat.

«Islam álemindegi mańyzdy ǵylymı-ekonomıkalyq máselelerdi sheshý úshin G20 forýmy sııaqty bizge de beıresmı top quratyn kez keldi dep oılaımyn. Islam uıymynyń aldyńǵy qatarly on bes memleketi birigip, ony OIC15 dep atasaq durys bolar edi. Islam úmmetine ǵylym men tehnıkalar salasyn da damytý máselesi óte mańyzdy bolyp otyr. Osyǵan oraı aldyńǵy qatarly batys elderimen turaqty ári jemisti baılanystar ornatý qajet. Olarmen ózara baılanysta bolýymyz túbi ıslam elderiniń ilgerileýine paıdasyn tıgizetini anyq», - dedi Prezıdent.

Nursultan Nazarbaev Islam álemi men batystyń ashyq dıalogyna jol ashatyn basqosýlardyń jıi ótkenin jón dep sanaıtynyn atap ótti.

«Menińshe, ǵasyrlar boıy qalyptasqan túsinbestik týdyratyn stereotıptik kózqarastardan bas tartýymyz kerek. Biz kóp ultty jáne konfessıaly qoǵamda dinaralyq kelisimdi saqtaýdyń qazaqstandyq tájirıbesimen bólisýge ázirmiz», - dedi Memleket basshysy.