Nursultan Nazarbaev neırohırýrgtarǵa quttyqtaý joldady
ASTANA. QazAqparat - Elordada Halyqaralyq neırohırýrgııa forýmynyń saltanatty ashylý rásimi ótip jatyr. Shara barysynda QR Premer-Mınıstriniń orynbasary Erbolat Dosaev forým qatysýshylaryna Elbasy Nursultan Nazarbaevtyń quttyqtaýyn oqyp berdi, dep habarlaıdy QazAqparat tilshisi.
«Elordamyz 20 jyldyǵy men Ulttyq neırohırýrgııa ortalyǵynyń 10 jyldyǵy qarsańynda ótip otyrǵan halyqaralyq neırohırýrgııa forýmyna qosh keldińizder. Búginde bul forým zamanaýı neırohırýrgııa salasynyń eń sońǵy jetistikteri men ózekti problemalary talqylanatyn sanaýly pikirtalas alańdarynyń biri retinde tanymal. Sizderdiń tabysty jumystaryńyz medıtsınadaǵy zııatkerlik kapıtal men ınnovatsııanyń ósimine septigin tıgizedi. Qazaqstan otandyq densaýlyq saqtaý júıesin jetildirý men sapaly damytýǵa aıryqsha nazar aýdarady. Osydan 10 jyl buryn bolashaqtaǵy Ulttyq neırohırýrgııa ortalyǵynyń gospıtali ıdeıasy aıasynda qurylǵan ol búginde Ortalyq Azııadaǵy jetekshi mekemege aınalyp otyr. Forým barysynda tek qana konstrýktıvti pikir almasý ǵana bolyp qoımaı, sonymen birge azamattardyń densaýlyǵyn nyǵaıtýǵa, osynaý ómirlik mańyzdy saladaǵy yntymaqtastyqty kúsheıtýge baǵyttalǵan naqty sheshimder ázirlenedi dep senemin», - dep atap ótken Qazaqstan Prezıdenti.
Aıta keteıik, jalpy otyrysy erteń ótetin Halyqaralyq neırohırýrııa forýmyna elimizdiń barlyq óńirlerinen jáne 20-dan astam elden jetekshi hırýrgtar kelgen. Olar neırohırýrgııa, neıronoonkologııa, julyn, tamyrly, pedıatrııa neırohırýgııasy jáne shetki júıke neırohırýgııasy, jiti ınsýltattardy emdeý máselelerin talqyǵa salmaq.
