Nursultan Nazarbaev nemeresi Aısultannyń QFF prezıdenti bolý nıetine qalaı qaraıdy?

ASTANA. QazAqparat - Memleket basshysy Nursultan Nazarbaev nemereleriniń ózderi tańdaǵan kásibı jolmen júrgenin qalaıdy. Bul týraly Aqordanyń Facebook jelisindegi paraqshasynda onlaın-brıfıngte Tengrinews.kz portalynyń saýalyna jaýap bergen Memleket basshysy Nursultan Nazarbaevtyń baspasóz hatshysy Dáýren Abaev málim etti.

«Nursultan Nazarbaev nemeresi Aısultannyń Qazaqstan Fýtbol federatsııasynyń prezıdenti bolý nıetine qalaı qaraıdy? Memleket basshysy nemereleriniń boıynan jalpy saıasatqa degen qyzyǵýshylyqty baıqaı ma?» degen saýalǵa Dáýren Abaev bylaı dep jaýap berdi: «Memleket basshysy nemereleri ózderi tańdaǵan kásibı jolmen júrýi tıis degen pikirdi ustanyp otyr. Árıne, olardyń árbir jetistigine qýanyshty, alaıda nemereleriniń mansap jolynda qalyptasýyn syrttaı baqylaǵandy jón sanaıdy.

Fýtbol federatsııasyna qatysty jaǵdaıǵa kelsek, bul óz sheshimderin qabyldaýda eshkimge táýeldi emes qoǵamdyq uıym ekeni belgili. Ári, onyń aldaǵy taǵdyryn eldiń fýtbol qaýymdastyǵynan basqa eshkim de aıqyndaı almaıdy».