Nursultan Nazarbaev Monǵolııa Prezıdenti Haltmaagıın Battýlgamen kezdesti
Memleket basshysy Qazaqstan halqynyń jáne jeke óziniń atynan Haltmaagıın Battýlgany prezıdenttik saılaýdaǵy jeńisimen quttyqtap, Qazaqstan tarapynyń barlyq baǵyt boıynsha yntymaqtastyqty damytýǵa daıyn ekenin aıtty.
«Bıyl Qazaqstan Respýblıkasy men Monǵolııa arasyndaǵy dostyq qarym-qatynastar jáne yntymaqtastyq jónindegi shartqa qol qoıylǵanyna 25 jyl tolady. Bul qujat kóp ǵasyrlyq dostyq jáne tatý kórshilik dástúri bar elderimiz arasyndaǵy yntymaqtastyqty dáıekti damytý jolynda mańyzdy ról atqarady», - dedi Qazaqstan Prezıdenti.
Haltmaagıın Battýlga óziniń Monǵolııa Prezıdenti bolyp saılanýymen jáne týǵan kúnimen quttyqtaǵany úshin Nursultan Nazarbaevqa rızashylyq bildirdi.
«Men Sizdiń jumysyńyzdy muqııat baqylap otyramyn jáne jańa elorda - Astana qalasyn salǵanyńyzdy bilemin. Men Monǵolııanyń qurylys mınıstri bolǵan kezde de Qazaqstan tájirıbesin kóp zerttedim. Biz de elimizdiń astanasy Ulan Bator qalasynyń tóńireginde Maıtar qalasyn salý múmkindigin qarastyryp jatyrmyz», - dedi Monǵolııa Prezıdenti.
Sońynda Memleket basshysy, eń aldymen, eki el arasyndaǵy yntymaqtastyqty jańa deńgeıge kóterý qajettigine toqtalyp, Qazaqstan Monǵolııanyń Shanhaı yntymaqtastyq uıymynyń jumysyna atsalysýǵa degen umtylysyn qoldaıtynyn aıtty.
