Nursultan Nazarbaev: Men kúni-túni bilimimdi shyńdap kelemin
ASTANA. QazAqparat - Elbasy Nursultan Nazarbaev Prezıdent bolý úshin bilimdi únemi shyńdaý kerektigin aıtty, dep habarlaıdy QazAqparat.
«Qazirgi zamanǵy álemde bir kezderi alǵan bilimine ustanyp turǵandar emes, únemi toqtaýsyz bilimin jetildiretinder utady. Maǵan ýnıversıtette qalaı prezıdent bolý kerektigin eshkim úıretken joq. Zaman talabyna tótep berý úshin kúni-túni bilimińdi shyńdaý kerek. Esterińizde saqtańyzdar, ózgeristerge daıyn adamdar ǵana utady. ıAǵnı zertteýshilerdiń, ınvestorlardyń tilin túsinetinder ǵana jetistiktikke jetetini anyq»,-dedi Memleket basshysy Nazarbaev Ýnıversıteti túlekterin quttyqtaý barysynda.
Osy oraıda Elbasy «Bolashaqqa baǵdar: rýhanı jańǵyrý» atty maqalasynda jastarǵa negizdelgen barlyq basymdyqtar qamtylǵanyn eske salyp ótti.
Aıta keteıik, Elbasy bıyl Nazarbaev Ýnıversıtetin támamdaǵan túlekterdi quttyqtap, doktorantýra baǵdarlamasynyń alǵashqy toǵyz túlegine dıplomdaryn tabystady.
