Nursultan Nazarbaev memlekettik nagradalar tapsyrý rásimine qatysty
Elbasy barsha qazaqstandyqty elimizdiń basty merekesi – Táýelsizdik kúnimen quttyqtady.
«Osy jyldar ishinde Qazaqstan aldyna aýqymdy mindetter qoıyp, bıik belesterdi baǵyndyrdy. Biz babalarymyzdyń ǵasyrlar boıy ańsaǵan armanyn oryndap, elimizdiń uly tarıhyn jalǵastyryp jatyrmyz. Eldigimizdi nyǵaıtyp, álemdik qoǵamdastyq moıyndaǵan irgeli memleketke aınaldyq», – dedi Qazaqstannyń Tuńǵysh Prezıdenti.
Saltanatty shara barysynda Nursultan Nazarbaev Qazaqstan Respýblıkasynyń Premer-Mınıstri A.Mamınge, Qazaqstan Respýblıkasynyń Tuńǵysh Prezıdenti – Elbasynyń kómekshisi D.Aqyshevqa, Almaty oblysynyń ákimi A.Batalovqa, Memlekettik kúzet qyzmeti bastyǵynyń orynbasary – Aıryqsha maqsattaǵy kúshterdiń qolbasshysy A.Áshimbekulyna, «Búrkit» memlekettik avıakompanııasy» respýblıkalyq memlekettik kásipornynyń dırektory A.Dzıýbaǵa, «Mabetex Group» kompanııasynyń negizin qalaýshy B.Pakollıge, Qazaqstan Respýblıkasy Prezıdenti Іs basqarmasynyń Medıtsınalyq ortalyǵy basshysynyń orynbasary S.Seıtenovke memlekettik nagradalar tapsyrdy.
«Qazaqstannyń órkendeýi men el ıgiligi – sizder úshin eń mańyzdy dúnıe. Bul marapattar – el damýyna sińgen eren eńbektiń jemisi. Barshańyzdy osy joǵary memlekettik nagradalarmen shyn júrekten quttyqtaımyn. Myqty densaýlyq, baq-bereke men tabys tileımin. Táýelsizdigimiz tuǵyrly bolyp, memleketimiz órkendeı bersin», – dedi Nursultan Nazarbaev.
