Nursultan Nazarbaev: Memlekettik qaryzdy azaıtý kerek

ASTANA. QazAqparat - Búgin Úkimettiń keńeıtilgen májilisinde Elbasy Nursultan Nazarbaev Qarjy mınıstrine memlekettik qaryzdy azaıtýdy tapsyrdy, dep habarlaıdy QazAqparat.

Elbasy jıyn barysynda Premer-Mınıstrdiń orynbasary Erbolat Dosaev pen Qarjy mınıstri Baqyt Sultanovqa atalǵan baǵyttaǵy jumystardy baqylaýǵa alýdy júktedi.

«Memlekettik qaryzdy bir deńgeıde ustaý kerek. Osy baǵyttaǵy jaǵdaıdy qadaǵalap. Qaryzdy ulǵaıtpaı, kerisinshe ony kemitýdiń qadamdaryn Úkimetiń tabysymen oraılastyryp otyrý qajet. Ártúrli jaǵdaılar bolady, sondyqtan qajetti múmkindikter bolýy shart. Keıingi kezde qurylysqa, joldarǵa biraz kóbirek alyp jiberdik», - dedi Elbasy Qarjy mınıstri Baqyt Sultanovqa qaratyp aıtqan sózinde.

Budan buryn habarlanǵandaı, búgin Qazaqstan Prezıdenti Nursultan Nazarbaevtyń tóraǵalymen el Úkimetiniń keńeıtilgen májilisi ótip jatyr.  

Otyrys barysynda Úkimet basshysynyń, birqatar mınıstrlerdiń, oblys ákimderiniń baıandamalary tyńdaldy.