Nursultan Nazarbaev: Memleket eshkimge tegin baspana bermeıdi
«Sondaı-aq, halyqtyń áleýmettik turǵydan álsiz toptary úshin iri qalalarda jaldamaly turǵyn úı qurylysyn ulǵaıtý qajet. Barlyqtaryńyzdyń aldynda, búkil elge taǵy da aıtamyn: qazir bizde basqa álem, naryqtyq ekonomıka, memleket eshkimge de tegin baspana bermeıdi», - dedi Elbasy
Osy oraıda Qazaqstan Prezıdenti baspana alýshylarǵa nesıemen, jeńildiktermen kómektesýge bolatyndyǵyn basa aıtty.
«Esh jerde tegin páterge degen qandaı da bir kezek bolmaýy tıis», - dep eskertti Memleket basshysy.
Elbasynyń aıtýynsha, memlekettik sharalar 250 myńnan astam otbasy úshin turǵyn úı jaǵdaıyn jaqsartýǵa múmkindik beredi.
«Bıýdjet esebinen salynatyn jappaı qurylys alańdaryna arnalǵan ınjenerlik ınfraqurylym júrgizýdi qosa alǵanda, memleket bes jyl ishinde 650 myń otbasyǵa nemese 2 mıllıonnan astam azamattarymyzǵa qoldaý kórsetedi», - dedi Nursultan Nazarbaev.
