Nursultan Nazarbaev Máskeý paradyna qatysady

MÁSKEÝ. Mamyrdyń 9-y. QazAqparat /Narymbek Ysmaǵulov/ - Máskeýde saparmen júrgen Elbasy Nursultan Nazarbaev búgin Uly Jeńistiń 65 jyldyǵyna arnalǵan saltanatty is-sharalarǵa qatysady.

Qyzyl alańda ótetin paradpen qosa, N.Nazarbaev Belgisiz jaýyngerdiń zıratyna gúl shoqtaryn qoıý rásimine jáne Úlken Kreml saraıynda ótetin saltanatty qabyldaýǵa qatysady.

RF Prezıdenti Dmıtrıı Medvedev keshe ótken TMD basshylarynyń beıresmı sammıtinde Uly Jeńistiń 65 jyldyǵy qurmetine Máskeýde ótetin merekelik is-sharalarǵa qatysýǵa bergen kelisimderi úshin áriptesterine alǵysyn jetkizgen bolatyn. «Bul Otanymyz úshin shaıqasqan jáne bizge jeńs alyp bergen ata-babalarymyzǵa qurmet kórsetý», - dedi RF Prezıdenti óz sózinde.

Búgin, mamyrdyń 9-ynda Máskeýde ótetin merekelik is-sharaǵa 30-ǵa jýyq memleket basshylary men úkimet basshylary keledi dep josparlanýda. Olardyń qatarynda -TMD elderiniń, Germanııa, Qytaı, Izraıl, Latvııa, Grekııa, Mońǵolııa, Serbııa, Slovenııa jáne Chehııa elderiniń basshylary bar. Jeńis Parady máskeý ýaqyty boıynsha saǵat 10.00-da bastalady.