Nursultan Nazarbaev mahabbat týraly ósıet áńgime aıtyp berdi

ASTANA. QazAqparat - Nursultan Nazarbaev shyǵysqazaqstandyqtarmen kezdesý barysynda ózi jaqsy kóretin óńirge jıi keletinin atap ótip, mahabbat týraly ejelgi úndi ańyzyn aıtyp berdi, dep habarlaıdy «QazAqparat» HAA tilshisi.

Aıta ketken jón, turǵyndarmen kezdesý kezinde mahabbat taqyryby kútpegen jerden qozǵaldy. Prezıdenttiń: «Qaldaryńyz qalaı?» degen suraǵyna Qazaqstan-Amerıka erkin ýnıversıtetiniń prorektory Marına Kıkına: «Sizdi asyǵa kúttik, qobaljyp turǵanymyzdy jasyrmaımyn, Sizben kezdeskenimizge óte qýanyshtymyz», - dep aǵynan jaryldy.

«Sırek jolyqqan saıyn, mahabbatymyz saqtala túsedi», - dep kúldi Prezıdent, elimizdiń shyǵysyna jıi saparlaıtynyn atap ótip, ósıet áńgime aıtyp berdi.

«Jas jubaılar úılengen toıynan keıin kóldiń jaǵasynda turýǵa keledi jáne qarama-qarsy jaǵalaýda qonystanýdy jón kóredi. Jas kelinshek: «Elestetip kórshi, saıabaqta serýendep júrip, kezdesip qalamyz jáne seni bir shynaıaq sháı ishýge shaqyra alamyn. Eger sen ony qalamasań - óz erkiń. Qaıyqta júzip kele jatyp, qaıyǵymyz túıisip qalady jáne qonaqqa barý úshin jaǵalaýlardyń birine aıaldaımyz. Osylaısha, biz bir-birimizge degen yntyzarlyqty saqtaı alamyz». Eri oılana kele, bul usynysqa kelisim bermeıdi. Jyldar ótip, mahabbattyń yntyzarlyǵy báseńdedi. Óıtkeni ol tańdaý jasaǵanda qatelesti», - dedi Nursultan Nazarbaev.