Nursultan Nazarbaev Qytaı bastamasyna ne úshin qosylǵanyn aıtty

ASTANA. QazAqparat - Búgin Qazaqstan - Polsha bıznes forýmy aıasynda Memleket basshysy Nursultan Nazarbaev polıak kásipkerlerine Qytaıdyń "Bir jol - bir beldeý" bastamasyna qosylýdyń sebebin túsindirip berdi. Osy jıynǵa elimizge memlekettik saparmen kelgen Polsha prezıdenti Andjeı Dýda da qatysty, dep xabarlaıdy QazAqparat tilshisi.

"Bárińiz jaqsy bilesizder, Qazaqstan Eýrazııanyń qaq ortasynda ornalasqan. Biz Uly Jibek jolynyń bir bóligi bolyp sanalamyz. Sol sebepti Qytaıdyń osy bastamasyna ("Bir jol - bir beldeý" - avt.) qosyldyq. Oǵan qosylyp qana qoımaı, Jibek jolyn keńinen damytýǵa atsalysýdamyz. Qytaı shekarasynan Kaspıı teńizine deıin avtoban saldyq. Reseı arqyly Eýropaǵa shyǵatyn temirjol jelisi taǵy bar. Budan bólek, ońtústikke qaraı baratyn temirjol tóseldi. Onymen Iran arqyly Parsy shyǵanaǵyna shyǵýǵa múmkindik bar. Atalǵan baǵyttardy qytaılyq áriptesterimiz de emin-erkin paıdalana alady", - dep atap kórsetti Nursultan Nazarbaev.

Aıta keteıik, búgingi forýmda Memleket basshysy farmatsevtıkalyq salany damytý máselesine basa nazar aýdardy.  

Al Polsha basshysy Andjeı Dýda 2022 jylǵy EKSPO úshin talasta Qazaqstannan qoldaý bildirýdi surady .