Nursultan Nazarbaev: Konteınerlik tasymaldaýlar arqyly jylyna 5 mlrd $ tabys tabýǵa bolady
«Ózderińiz biletindeı, Qazaqstannyń jer aýmaǵy 2,7 mln sharshy shaqyrym jáne álemde 9-orynda tur. Biraq, bizdiń teńizge shyǵar jolymyz joq. Nege teńiz? Sebebi, keme ázirge eń arzan kólik túri bolyp otyr, kememen tasymaldanǵan taýar básekege qabiletti bolady. Áıtse de, biz de qolda bar múmkindigimizdi paıdalanýymyz kerek", - dedi Elbasy jýrnalısterge bergen suhbatynda.
Sondyqtan kóliktik kommýnıkatsııalar, temir jol men avtokólik joldary jáne avıatsııa baılanysy Qazaqstan úshin asa mańyzdy.
"QHR Tóraǵasy Sı Tszınpınniń Astanada, Nazarbaev Ýnıversıtetinde jarııalaǵan bastamasyn tolyqqandy qoldaımyz. Qazir bul baǵdarlamaǵa 65 memleket qosyldy jáne biz oǵan "Nurly jol" baǵdarlamasyn qostyq jáne jumys istep jatyrmyz", - dedi Nazarbaev.
Qazaqstan arqyly ótetin Batys Eýropa-Batys Qytaı jolynyń 2700 shaqyrymy salyndy. 2010 jyldan beri 5 myń shaqyrym avtokólik joly salyndy jáne osy besjyldyqta taǵy 4,4 myń shaqyrym avtokólik jolyn salamyz. Sondyqtan Astanadan bastap, elimizdiń shetki núktelerine deıin temir jol jáne avtokólik joldary tartylatyn bolady. Biz QHR shekarasynan Kaspıı teńizine deıin temir jol saldyq, sebebi biz Tynyq muhıtyndaǵy Lıanıýngan portyn paıdalanýǵa aldyq. Olar Qazaqstan men Reseı arqyly Eýropaǵa konteıner tasymaldaýǵa múddeli boldy", - dedi Nazarbaev.
Memleket basshysynyń pikirinshe, konteınerlik tasymaldaý arqyly eselep tabys tabýǵa bolady.
"Qazaqstan arqyly konteınerlik tasymaldaýlar jyldan-jylǵa artyp keledi. Qazaqstan arqyly osyndaı konteınerlerdi mıllıondap tasyp, jylyna 5 mlrd dollarǵa deıin tabys tabýǵa bolady. ıAǵnı ınfraqurylymǵa jumsaǵan shyǵyndarymyz eselep qaıtady. Endi Qazaqstan arqyly Tynyq muhıtynan Eýropaǵa, Iran men Parsy shyǵanaǵyna jetýge bolady", - dedi Nazarbaev.
QR Prezıdenti Qazaqstan bolashaǵy men ekonomıkasy úshin mundaı ınfraqurylymdyq jobalardyń mańyzy zor ekenin basa aıtty.
"Bir aı buryn Bakýde Túrkııadan Grýzııaǵa jáne Bakýden Qazaqstanǵa baratyn Kars-Ahalkalakı joly ashyldy. Bul joldyń salynatynyn bilip, júkter men vagondardy qabyldaıtyn Quryq portyn turǵyzdyq. Paromdyq, avtokólik jáne temir jol ótkelderi arqyly - ıaǵnı, Ázerbaıjan, Grýzııa, Túrkııadaǵy Bosfor astyndaǵy temir jol týnneli arqyly jan-jaqtan Eýropaǵa jete alatyn boldyq. Munyń barlyǵy Qazaqstan úshin mańyzdy, bizge mundaı joldar aýadaı qajet. Óz taýarymyzdy syrtqa shyǵaryp, básekege qabiletti etýimiz kerek. Sol sebepti ınfraqurylymdyq jobalar men Jibek jolyna teń múshe bolý - elimizdiń bolashaǵy men damýy úshin, ekonomıkanyń ósýi úshin mańyzdy qadam", - dep óz sózin túıindedi Nursultan Nazarbaev.
Aıta keteıik, 22 jeltoqsan kúni Elbasy Nursultan Nazarbaev elimizdegi jetekshi BAQ ókilderine 2017 jyldy qorytyndylaýǵa arnalǵan suhbat berdi. Onda qazaq qoǵamyndaǵy eleýli ózgerister men ózekti máseleler týraly jýrnalıster suraǵyna jaýap berdi. Atalmysh suhbattyń televızııalyq nusqasy búgin respýblıkalyq telearnalardyń efırinen kórsetildi.
