Nursultan Nazarbaev qoǵamdyq sanany jańǵyrtýdy qarapaıym tilmen túsindirdi
Qazaqstan Prezıdenti tarıhy baı, taǵylymy tereń Taraz jeri Uly Jibek jolynyń boıynda ornalasqanyn atap ótti.
«Ádeıi Tarazdy kórkeıteıik, eske túsireıik, kóne qazbalaryn shyǵaraıyq dep 2 myń jyldyǵyn ótkizip, kóp sharýa jasadyq. Qazynaly Qarataýdyń boıynda turaqtylyq pen tatýlyqtyń besiginde kún keship jatqan halyq bar. Elimizdiń ár óńirin qaraıtyn bolsaq, bári de kóp ultty, bári de kópetnosty, barlyǵy da tatý-tátti ómir súrip jatyr», - dedi Elbasy.
Sonymen qatar Memleket basshysy qoǵamdyq sanany jańartý máselesine toqtalyp, ony qarapaıym tilmen túsindirip berdi.
«Meniń qatarlarym, orta býyn Keńes odaǵynyń tárbıesinde boldyq. Ol bir ıdeologııa, basqa sana. Keńes odaǵy kúıregennen keıin biz ekonomıkany túzeý úshin jekeshelendirý máselesin kóterip, ınvestıtsııa tartyp, kóp sharýa jasadyq. Ol bir beles bolatyn. Odan aman-esen shyqqannan soń 2030 jylǵa deıin baǵdarlama jasap, ony oryndadyq. Ol ekinshi beles edi. Endi úshinshi beles dep Joldaýymda aıtqanym, qazirgi bastalyp otyrǵan óte jańa ǵalamdyq másele. Tehnıka men tehnologııanyń sonsha tez alǵa qaraı basýy, shapqan attaı, atqan oqtaı zymyrap bara jatqan myna dúnıe. Artta qalmaýymyz kerek. Ol úshin rýhanı sanany jańǵyrtý qajet. Myna ómirge basqasha qaraý kerek», - dedi jurtshylyqpen kezdesýdi túıindegen Qazaqstan Prezıdenti.
Foto: Baýrjan Jýanbaev
