Nursultan Nazarbaev «Qazatomónerkásip» basshysy Ǵalymjan Pirmatovty qabyldady

NUR-SULTAN. QazAqparat - Elbasy «Qazatomónerkásip» ulttyq atom kompanııasy» aktsıonerlik qoǵamynyń basqarma tóraǵasy Ǵalymjan Pirmatovty qabyldady, dep jazady Elbasy.kz.

Kezdesý barysynda Ǵ.Pirmatov Qazaqstannyń Tuńǵysh Prezıdentine 2019 jylǵy kompanııa qyzmetiniń qorytyndylary men 2020 jylǵa arnalǵan damý josparlary týraly baıandady.

- 2019 jylǵa arnalǵan barlyq óndiristik jáne qarjylyq kórsetkishter oryndaldy. 2020 jylǵa arnalǵan damý strategııasy men basymdyqtar aıqyndaldy. Kompanııa eki jyl qatarynan tek eń iri óndirýshi ǵana emes, álemdegi eń iri ýran satýshy atanyp otyr, - dedi Ǵ.Pirmatov.

Sonymen qatar, «Qazatomónerkásip» UAK» AQ basqarma tóraǵasy kompanııanyń eńbekti qorǵaý, qorshaǵan ortany qorǵaý jáne korporatıvtik basqarýǵa erekshe kóńil bóletinin habarlady.