Nursultan Nazarbaev Qazaqstannyń tennısten erler quramasyn quttyqtady

ASTANA. QazAqparat - Memleket basshysy Qazaqstannyń tennısten erler quramasyn Devıs Kýboginiń qazirgi chempıonymen oıynda jeńiske jetýimen jáne osy úzdik týrnırdiń álemdik tobyna ótýimen quttyqtady, dep habarlaıdy Aqordanyń baspasóz qyzmeti.

«Sizderdiń myqty qarsylaspen básekede tabandylyqpen jetken jarqyn jeńisterińiz elimizdiń sport jylnamasyndaǵy aıtýly jetistik bolyp otyr. Qaısarlyq pen qaırat-jigerlerińizdiń arqasynda Qazaqstan tennıs mektebiniń joǵary deńgeıde ekenin taǵy da bir tanyttyńyzdar», - delingen jedelhatta.

Sońynda Elbasy qurama múshelerine zor densaýlyq tilep, sporttyń jańa  belesterinde tabysqa jetýlerine nıettestik bildirdi.