Nursultan Nazarbaev qazaqstandyq kompanııalardyń kórmesin aralady

ASTANA. QazAqparat - Memleket basshysy Nursultan Nazarbaev qazaqstandyq kompanııalardyń kórmesin aralap kórdi, dep habarlaıdy Aqordanyń baspasóz qyzmeti.

Qazaqstan Prezıdenti memlekettik sapary aıasynda Shavkat Mırzıeevpen birge «Ózbekstan-Qazaqstan: yntymaqtastyqtyń jańa kezeńi» atty ónerkásip kórmesin aralap kórdi. Onda memleketter basshylary qazaqstandyq taýar óndirýshilerdiń ónimimen tanysty.

Kórmede áskerı-tehnıka, avıatsııa, farmatsevtıka, toqyma óndirisi, qurylys, sondaı-aq mashına jasaý, avtomobıl qurastyrý jáne ІT salalaryndaǵy qazaqstandyq 50-den astam iri kompanııalardyń eksportqa arnalǵan ónimderi qoıylǵan.

Kórmeniń negizgi maqsaty - eki memlekettiń kompanııalary arasynda ornyqty baılanystar ornatýǵa kómektesip, birlesken saýda jáne ınvestıtsııalyq jańa jobalardy iske asyrýǵa qoldaý kórsetý.