Nursultan Nazarbaev qazaqstandyq qamtý boıynsha tıisti jumystardy atqarmaı otyrǵan ákimder men tıisti vedomstvolardy synǵa aldy
«Biz qazaqstandyq qamtýǵa belsendi kirisken bolatynbyz. Alaıda, ótken jyly memlekettik organdarda ónimdi satyp alý kólemi 5 paıyzǵa tómendedi. ıAǵnı, ósim bolǵan joq», - dedi Elbasy.
Memleket basshysy qazaqstandyq qamtý boıynsha «Teńizshevroıl» kompanııasynda kórsetkish 4 paıyzdan astam, Qashaǵan jobasynda 2 paıyz, «Aqtóbemunaıgaz» kompanııasynda 1,4 paıyz, «Qazhrom» kompanııasynda 3,8 paıyz deńgeıinde ekenin eskertip ótti.
Osy oraıda Elbasy bul kompanııalar Qazaqstan aýmaǵynda bolǵandyqtan onyń basshylary qazaqstandyq qamtý boıynsha Prezıdenttiń jáne eldiń zańnamasynyń talaptaryn oryndaýǵa mindetti ekenin eskertti.
«Men osy kompanııalarmen atalǵan másele turǵysynda jumys istemeı otyrǵan ákimderdi nazarǵa alǵym keledi. Sonymen qatar tıisti jumystardy atqarýy tıis mınıstrlikter de kóńil bólýi qajet», - dep atap ótti N. Nazarbaev.
«Bul ahýal sheshimdi túzetýlerdi qajet etedi. Úkimet osy jaǵdaıdy túzetýi tıis. Otandyq taýarlardy satyp alýda ken oryndaryn paıdalanýshylardy yntalandyrý úshin kerek bolsa normatıvtik bazaǵa sáıkes ózgeristerdi engizý qajet. Bul másele turǵysynda qajettilik etse zańnamany da qarastyratyn bolamyz», - dep túıindedi Memleket basshysy.
