Nursultan Nazarbaev Qaraǵandy oblysyndaǵy ınvestıtsııalyq jobalarmen tanysty

QARAǴANDY. QazAqparat - Qazaqstan Respýblıkasynyń Prezıdenti Nursultan Nazarbaev «Maker» jaýapkershiligi shekteýli seriktestiginiń Qaraǵandy quıý-mashına jasaý zaýytyna bardy, dep habarlaıdy QazAqparat Aqordanyń baspasóz qyzmetine silteme jasap.

Qazaqstan Prezıdenti robottandyrylǵan zamanaýı qurylǵylarmen jáne avtomattandyrylǵan basqarý júıesimen jabdyqtalǵan jańa mashına jasaý zaýytynyń óndiristik úderisimen tanysty.

Nursultan Nazarbaevqa oblystaǵy ınvestıtsııalyq jobalardyń iske asyrylý jospary baıandaldy, sondaı-aq «Qazaqmys» korporatsııasy» jaýapkershiligi shekteýli seriktestiginiń jumystary tanystyryldy.

Sonymen qatar, Elbasy kásiporyn ujymymen jáne Qaraǵandy memlekettik tehnıkalyq ýnıversıtetiniń stýdentterimen áńgimelesti.

Memleket basshysy ekonomıkany damytýdyń zamanaýı úrdisine saı dýaldy bilim berýdiń jáne kadrlar daıarlaýdyń mańyzdylyǵyn aıtty.

Sońynda Qazaqstan Prezıdenti jas mamandarǵa jumysta zor tabysqa jetýge tilektestik bildirdi.