Nursultan Nazarbaev Halyqaralyq áýejaıynyń jańa termınalynda VIP laýndj ashyldy
ASTANA. QazAqparat - Nursultan Nazarbaev halyqaralyq áýejaıynyń jańa termınalyndaǵy VIP laýndj óz jumysyn bastady. Onda jolaýshylarǵa úlken keńistik, túrli jeńil tamaqtary bar fýrshettik ústel jáne basqa qosymsha servıster usynylady, dep habarlaıdy QazAqparat Halyqaralyq áýejaıdyń baspasóz qyzmetine silteme jasap.
Bıznes laýndj halyqaralyq termınaldyń úsh qabatynda ornalasqan, aýdany 1250 sharshy metrdi quraıdy. Bul kóptegen qonaqtardy jaıǵastyrýǵa múmkindik beredi. Onda kompıýterleri bar jumys orny, kelissózder júrgizýge arnalǵan arnaıy bólme, dýsh bólmeleri, sonymen qatar reısterdi kútý barysynda ýaqyt ótkizý úshin demalýǵa jaıly oryndar bar.
Budan basqa, jolaýshylarǵa táýlik ýaqytyna baılanysty túrli taǵamdar (tańǵy, túski jáne keshki as) men sýsyndar usynylatyn bolady.
«Halyqaralyq jańa bıznes laýndj Áýejaıymyzdyń qyzmetteri paketiniń ajyramas bóligi bolyp tabylady. Al jańa VIP laýndj aımaǵyn ashý Áýejaıdy jańa deńgeıge kóteretin jańa termınal jobasynyń mańyzdy bóligi bolyp tabylady! Biz barlyq jolaýshylarymyzǵa usynatyn servısterdi jaqsartýdyń turaqty protsesindemiz» - dedi «Nursultan Nazarbaev halyqaralyq áýejaıy» AQ Basqarma tóraǵasy Paolo Rıchıottı.
