Nursultan Nazarbaev Gvıneıamen ekonomıkalyq qarym-qatynas jaıyn aıtty

ASTANA. QazAqparat - Memleket basshysy Nursultan Nazarbaev Islam yntymaqtastyǵy uıymynyń ǵylym jáne tehnologııalar jónindegi sammıti aıasynda Gvıneıa Respýblıkasynyń Prezıdenti Alfa Kondemen kezdesti, dep habarlaıdy Aqordanyń baspasóz qyzmeti.

Kezdesý barysynda Qazaqstan Prezıdenti Astanada ótip jatqan Islam yntymaqtastyǵy uıymynyń ǵylym jáne tehnologııalar jónindegi sammıti búkil ıslam álemi úshin mańyzdy ekenin atap ótti.

«Ókinishke qaraı, bizdiń elderimiz arasynda tyǵyz ekonomıkalyq qarym-qatynas ornamaǵan. Biz osy baǵytty damyta túsýimiz qajet. Sizdiń Qazaqstanǵa resmı saparmen kelýge nıetti ekenińizdi bilemin jáne oǵan qýanyshtymyz», - dedi Nursultan Nazarbaev.

Gvıneıa Respýblıkasynyń Prezıdenti Islam yntymaqtastyǵy uıymynyń ǵylym jáne tehnologııalar jónindegi sammıtine qatysýǵa shaqyrǵany úshin Nursultan Nazarbaevqa rızashylyǵyn bildirip, ekijaqty baılanystardy nyǵaıtýǵa nıetti ekenin aıtty.