Nursultan Nazarbaev generaldarǵa keńes berdi
«Bahadúr babalardyń eren eńbeginiń egemen eldiń erleri laıyqty jalǵastyrýda dep aıtýǵa bolady. Búgin bir top azamattardyń joǵary nagradalarmen marapattalýy sonyń aıqyn dáleli. Men osy marapattaýǵa kele jatqanda oılandym. 74 jyl Keńes odaǵynyń quramynda bolǵanda, qaı adamǵa general ataǵy tapsyryldy? Búgin bir kúnniń ishinde 22 ataq bergeli otyrmyn», - dep atap ótti Nursultan Nazarbaev.
Osy rette Qazaqstan Prezıdenti Táýelsizdik alǵan kezde eldiń armııasyn basqaratyn general izdep, jalǵyz Saǵadat Nurmaǵanbetovty tapqanyn eske aldy.
«Osyny esterińnen esh ýaqytta shyǵarmańdar. El bolǵannan keıin, Táýelsiz Qazaqstan bolǵannan keıin óz Bas Qolbasshysy qolynan senderge osyndaı ataq beredi. Sebebi, general degen ol eń joǵary ataq, bir jaǵynan qyzmetterińdi baǵalaý. Oqaly kıim kıgen azamattardyń eń joǵarǵy baqyty, qýanyshy, bala-shaǵa men otbasynyń qýanyshy. Sony eshqashan umytpasańdar degen oıdamyn», - dedi Elbasy.
Eske sala ketsek, Memleket basshysy birqatar tulǵalarǵa joǵary áskerı jáne arnaýly ataqtar, synyptyq shender jáne biliktilik synybyn berý týraly Jarlyqqa qol qoıǵanyn buǵan deıin habarlaǵan bolatynbyz.
