Nursultan Nazarbaev fın kompanııalaryn agroónerkásiptik keshen jobalaryna qatysýǵa shaqyrdy
Kezdesý barysynda Nursultan Nazarbaev Qazaqstanda agrarlyq sektorǵa basa nazar aýdarylatyndyǵyn, agroónerkásiptik keshendi damytýdyń memlekettik baǵdarlamasy júzege asyrylyp jatqanyn jetkizdi.
«Ol aýyl sharýashylyǵy ónimderin óndirýshiler men qaıta óńdeýshiler úshin memlekettik qoldaýdy qarastyrady. Atalǵan sektordy damytýdyń basymdyǵy - jańa tehnologııalardy engizý arqyly ónimdilikti arttyrý jáne aýyl sharýashylyǵy ónimderin qaıta óńdep, eksporttaý. Fın kompanııalaryn agroónerkásiptik keshendegi jobalardy belsendi júzege asyrýǵa shaqyramyn», - dedi Qazaqstan Prezıdenti.
Esterińizge sala ketsek, búgin Qazaqstan Prezıdenti Nursultan Nazarbaev resmı saparmen Fınlıandııaǵa keldi.
Sapar aıasynda Elbasy fın bıznes kapıtandarymen kezdesti.
Júzdesý barysynda Memleket basshysy Fınlıandııadan Qazaqstan arqyly Qytaıǵa jańa temir jol baǵdary ashylatyndyǵyn aıtty.
Al erteń Nursultan Nazarbaevtyń Fınlıandııa Respýblıkasynyń Prezıdenti Saýlı Nıınıstemen shaǵyn jáne keńeıtilgen quramdaǵy kezdesýi josparlanyp otyr.