Nursultan Nazarbaev elimizdiń syrtqy saıasatynyń negizgi baǵyttaryn atady
Qazaqstan Prezıdentiniń dereginshe, Táýelsizdik jyldary ishinde elimiz 182 memleketpen dostyq ári konstrýktıvti qarym-qatnyas ornatty. Shırek ǵasyrdyń ishinde shetelderde Qazaqstannyń 57 elshiligi men 31 dıplomatııalyq mekemesi ashyldy. Al elimizde 95 sheteldiń elshiligi men halyqaralyq uıymdardyń ókildikteri jumys isteýde.
Elbasy aldymen Reseı jáne Qytaımen strategııalyq yntymaqtastyq jaıynda toqtalyp, Ortalyq Azııa elderi damýdyń jańa kezeńine aıaq basqandyǵyn eske salyp ótti.
«Bul rette bizdiń saıasatymyz eń aldymen teń quqyly áriptestik pen elimizdiń óńirdegi rólin arttyrý úshin kúsh biriktirýge jáne «bestik» elderiniń gúldenýin qamtamasyz etýge baǵyttalatyn bolady. Kórshilerimizben tarıhı, mádenı jáne tildik tamyrlastyǵymyzdy eskere otyryp, birlese jumys isteýge basa nazar aýdaramyz», - dedi Memleket basshysy.
Memleket basshysynyń AQSh-pen seriktestik baǵyty jalǵasyp, Qazaqstannyń eń iri saýda-ekonomıkalyq seriktesi sanalatyn Eýropalyq odaqpen jan-jaqty qarym-qatynasty damytý ilgeriletile túsetindigin basa aıtty.
«Ózderińizde biletindeı, biz saýdadaǵy yntymaqtastyqty tereńdetý týraly qujatqa qol qoıdyq. Bul qujatty EO-ǵa múshe elder ratıfıkatsııalaý ústinde. Ózge elderdiń de qoldaýyn suraımyn jáne senim artamyn. Qazirdiń ózinde kóptegen elder qujatty ratıfıkatsııalady. Biz oǵan rızashylyq bildiremiz», - dedi Nursultan Nazarbaev.
Elbasy Qazaqstan postkeńestik keńistiktegi eldermen, Túrkııamen yntymaqtastyqty jalǵastyryp, Orta jáne Taıaý Shyǵyspen dostyq baılanystardy tereńdete túsetindigin atap ótti. Latyn Amerıkasy, Karıb basseıni, Afrıka qurlyǵy óńirindegi serikestermen de qarym-qatynasty damyta túsetindigin basa aıtty.