Nursultan Nazarbaev elimizdiń syrtqy saıasaty neni talap etetindigin aıtty
«Qazaqstannyń tabysty jańǵyrýyn qamtamasyz etý úshin bastamashyl belsendi syrtqy saıasatty odan ári júzege asyrý qajet. Bizdiń beıbitsúıgish baǵytymyz ben osy saladaǵy naqty aıqyndalǵan qaǵıdattarymyz ózin-ózi tolyq aqtap otyr. Qazaqstannyń Reseı Federatsııasymen qarym-qatynasy memleketaralyq baılanystardyń etalony bolyp sanalady. Tolyqqandy ıntegratsııalyq birlestik ári álemdik ekonomıkalyq qatynastardyń belsendi múshesi retinde qalyptasqan Eýrazııalyq ekonomıkalyq odaq tabysty jumys isteýde», - dedi Elbasy.
Nursultan Nazarbaev Ortalyq Azııa óńirinde ózara yqpaldastyqtyń jańa paraǵy ashylǵanyn, Qytaı Halyq Respýblıkasymen jan-jaqty strategııalyq seriktestigimiz dáıekti túrde damyp kele jatqanyn basa aıtty. «Bir beldeý - bir jol» baǵdarlamasy Qytaımen qarym-qatynasymyzǵa tyń serpin bergenin atap ótti.
«Meniń qańtar aıyndaǵy Vashıngtonǵa resmı saparym jáne Prezıdent Donald Tramppen júrgizgen kelissózderim barysynda Qazaqstan men AQSh-tyń XXI ǵasyrdaǵy keńeıtilgen strategııalyq seriktestigi jónindegi ýaǵdalastyqqa qol jetkizildi. Biz saýda jáne ınvestıtsııa salasyndaǵy iri seriktesimiz - Eýropa Odaǵymen qarqyndy yntymaqtastyǵymyzdy jalǵastyra beremiz»,- dedi QR Prezıdenti.
Elbasy TMD elderimen, Túrkııamen, Iranmen, Arab Shyǵysy jáne Azııa elderimen ózara tıimdi eki jaqty qatynastar damyp kele jatqanyn aıtty.
«Aqtaý qalasyndaǵy sammıtte qabyldanǵan Kaspıı teńiziniń quqyqtyq mártebesi týraly konventsııa Kaspıı mańy elderimen yntymaqtastyqtyń jańa múmkindikterine jol ashady. Qazaqstan Birikken Ulttar Uıymynyń Qaýipsizdik Keńesindegi mıssııasyn abyroımen aıaqtap keledi. Sırııa jónindegi Astana protsesi beıbit jolmen retteý jáne osy eldiń daǵdarystan shyǵýy jóninde tıimdi jumys júrgizip jatqan birden-bir kelissózder formatyna aınaldy. Sonymen qatar, qazirgi kúrdeli jaǵdaıda Qazaqstan Respýblıkasynyń syrtqy saıasaty beıimdelýdi jáne ulttyq múddeni pragmatızm qaǵıdattaryna sáıkes ilgeriletýdi talap etedi», - dedi Memleket basshysy.
