Nursultan Nazarbaev eldegi lıftiler jumysyn tártipke keltirýdi talap etti

ASTANA. QazAqparat - Astana qalasyn odan ári damytýǵa qatysty ótip jatqan jıynda QR Prezıdenti Nursultan Nazarbaev lıftilerdiń jumysy boıynsha turǵyndardyń shaǵymdaryn jarııa etti, dep habarlaıdy QazAqparat.

Memleket basshysy lıftilerdiń jaǵdaıy kóńil kónshitpeıtinin atap ótti. Sońǵy kezde Astanada lıftilerge qatysty tórt oqıǵa bolǵan.

«Jalpy, bul másele barsha Qazaqstanǵa qatysty (...) Adamdar lıftilerdi kúndelikti úzdiksiz paıdalanady. Osy salada tártip bolýy kerek. Bul turǵyda olardy kútip ustaý men ýaqtyly tekserý úshin tártipke keltirý qajet. Lıftiniń tekserilgeni týraly, sondaı-aq eshbir úreısiz ony paıdalanýǵa bolatyndyǵy jaıynda tıisti qadaǵalaý júzege asyrylǵan jón», - dedi Memleket basshysy Astanany damytý máselelerine arnalǵan keńes barysynda.

Elorda ákim Áset Isekeshevtiń sózine qaraǵanda, lıftilermen aınalysatyn 50 kompanııanyń arasynda tek 10-y ǵana talaptarǵa saı bolyp otyr. Qazirgi ýaqytta jaǵdaıdy retteýge qatysty usynystar engizilip jatyr. Osy oraıda, qyzmet kórsetý boıynsha kompanııalarda bilikti mamandardyń jetkilikti bolýyna nazar aýdarylady.