Nursultan Nazarbaev EQYU-nyń Bas hatshysymen kezdesý ótkizdi

ASTANA. QazAqparat - Qazaqstan Prezıdenti Nursultan Nazarbaev Eýropadaǵy qaýipsizdik jáne yntymaqtastyq uıymynyń (EQYU) Bas hatshysy Tomas Gremıngermen kezdesti, dep habarlaıdy QazAqparat Aqordaǵa silteme jasap.

Memleket basshysy álemdik jáne dástúrli dinder kóshbasshylarynyń Astanada júzdesip otyrǵanynyń erekshe mańyzyn atap ótip, sezd jumysyna qatysqany úshin EQYU Bas hatshysyna rızashylyq bildirdi.

«2010 jyly Qazaqstannyń Eýropadaǵy qaýipsizdik jáne yntymaqtastyq uıymyna tóraǵalyq etkenin bilesiz. Biz bul uıymnyń osy ǵasyrdaǵy jalǵyz sammıtin ótkizdik. Onyń nátıjesi boıynsha mańyzdy deklaratsııa qabyldandy», - dedi Elbasy.

Nursultan Nazarbaev Qazaqstan men EQYU arasyndaǵy yntymaqtastyq pen kooperatsııany odan ári damytýdyń mańyzdy ekenin aıtty.

T.Gremınger óńirlik qaqtyǵystardy sheshý jáne beıbitshilikti nyǵaıtý isindegi Qazaqstan Prezıdentiniń róli men úlesin erekshe atap ótti.