Nursultan Nazarbaev dúnıede ne qıyn ekenin aıtty

ASTANA. QazAqparat - Aqordanyń resmı akkaýnty Memleket basshysy Nursultan Nazarbaevtyń respýblıkalyq BAQ ókilderine bergen suhbatynan úzindi jarııalady, dep habarlaıdy QazAqparat.

«Sizdiń quziretińizde sheshim qabyldaý degen məsele bar. Keıbir kadrdy taǵaıyndaısyz, keıbir kadrdy bosatasyz. Sol kadrdy ornynan bosatqan kezde, senimińizden shyqpaı qalǵany janyńyzǵa bata ma?» - degen suraqqa Elbasy «ómirde eń qıyny - kadr tańdaý» ekenin aıtty.

«Janyma batady... Baıaǵyda Buqar jyraýdan «dúnıede ne qıyn?» dep suraǵan eken. Sonda ol: «kósh bastaý qıyn emes, qonatyn kól bolsa, qol bastaý qıyn emes, qol bastaıtyn el bolsa, dúnıeniń eń qıyny - eldiń aldyna shyǵyp sóz bastaý» degen eken. Sol sııaqty, men úshin de, basqalar úshin de eń qıyny - kadr tańdaý»,-dedi Elbasy.