Nursultan Nazarbaev Densaýlyq saqtaý jáne Bilim mınıstrlikterine qarjylyq tekserý júrgizýdi tapsyrdy
ASTANA. QazAqparat - Búgin Úkimettiń keńeıtilgen májilisinde Qazaqstan Prezıdenti Nursultan Nazarbaev Densaýlyq saqtaý men Bilim jáne ǵylym mınıstrlikterine qarjylyq tekserý júrgizýdi tapsyrdy, dep habarlaıdy QazAqparat.
«Úkimetke memleket qarajatyna nemquraıly, qylmystyq jolmen qaraý faktilerin anyqtaý úshin arnaıy komıssııa qurýdy tapsyramyn»,- dedi Prezıdent.
Osy oraıda Memleket basshysy eń aldymen 2 mınıstrlikti tekserý qajettigin basa aıtty.
«Aldymen Densaýlyq saqtaý, Bilim mınıstrlikteri de esepteımin. Jyl basynda qarjy bólindi jáne ol qalaı ıgeriledi», - dedi Elbasy.
Sonymen qatar Nursultan Nazarbaev zań buzýshylyqtarǵa jo bergenderdi shyǵyndy tolyq qaıtarýǵa májbúrlep, jaýapkershilikke tartý qajettigin atap ótti.
«Árbir basshy jeke jaýap beredi. Bizge memlekettik basqarý tapsyryldy. Memleket qarajatyn bir jaqtan kelgen jaýdyń aqshasyndaı paıdalanbaý qajet. Kerisinshe, qaıta únemdeý kerek, olardy basqa birdeńe jasaý úshin salý qajet», - dep atap ótti Memleket basshysy.
