Nursultan Nazarbaev «DALA-FRUIT.KZ» JShS-nyń jumysymen tanysty
ASTANA. QazAqparat - Qazaqstan Prezıdenti joǵary tehnologııalardy qoldaný arqyly alma ósirip, ony saqtaýmen jáne satýmen aınalysatyn «DALA-FRUIT.KZ» jaýapkershiligi shekteýli seriktestiginiń jumysymen tanysty, dep habarlaıdy Aqordanyń baspasóz qyzmeti.
Sondaı-aq, Memleket basshysy oblystyń áleýmettik-ekonomıkalyq damý kórsetkishteri jóninen habardar bolyp, aýyl sharýashylyǵy ónimderiniń kórmesin aralady.
«Budan 10-15 jyl buryn ózimiz osyndaı alýan túrli ónim óndiremiz dep oılap pa edik? Al búgin ol shyndyqqa aınaldy», - dedi Elbasy.
Sońynda Nursultan Nazarbaev jınalǵan kópshilikke baq-bereke tilep, joǵary óndiristik kórsetkishterge qol jetkizýlerine nıettestigin bildirdi.
Seriktestik jylyna 8-10 myń tonna alma ósiredi. Kompanııa óz jumysynda baq ósirý salasyndaǵy álemdik úzdik tájirıbelerdi qoldanady.
