Nursultan Nazarbaev «budan ary qaraıǵy memlekettik qurylystyń 100 naqty qadamy» Ult josparyn tanystyrady
ASTANA. QazAqparat - Prezıdent Nursultan Nazarbaev Modernızatsııa boıynsha ulttyq komıssııanyń birinshi otyrysynda budan ary qaraıǵy memlekettik qurylystyń 100 naqty qadamyn usynady. Bul týraly Elbasy ulyqtaý rásiminde málim etti.
«Komıssııanyń birinshi otyrysynda (QR Prezıdenti janyndaǵy Modernızatsııa boıynsha ulttyq komıssııa) men Ult josparyn usynamyn. Bul - budan ary qaraıǵy memlekettik qurylystyń 100 naqty qadamy. Bul turǵyda bes ınstıtýtsıonaldyq reformalar boıynsha atqaratyn jumystarymyz túsindiriledi», - dedi Memleket basshysy.
Osy oraıda N.Nazarbaev bul 100 qadam jahandyq jáne ishki syn-qaterlerge jaýap bolatyndyǵyn jáne bir mezgilde jańa tarıhı jaǵdaıda 30 damyǵan eldiń quramyna ený boıynsha jospar ekendigin atap ótti. Reformalardy júzege asyrý - aldaǵy 10 nemese 15 jylǵa negizdelgen jalpyulttyq nómiri birinshi maqsat-mindet bolmaq.
Aıta keteıik, Elbasy ulyqtaý rásiminde jaqyn arada QR Prezıdenti janyndaǵy Modernızatsııa boıynsha ulttyq komıssııa qurylatyndyǵyna atap ótti.
