Nursultan Nazarbaev: bizdiń atletterimiz táýelsizdiktiń 20 jyldyǵyna tamasha tartý jasady
ATY. 6 aqpan. QazAqparat /Erlik Erjanuly/ - Bizdiń atletterimizdiń joǵarǵy jeńisterge qol jetkizip, el táýelsizdiginiń 20 jyldyǵyna tamasha tartý jasady.
Búgin Almatydaǵy Balýan Sholaq atyndaǵy sport saraıynda 7-qysqy Azııa oıyndarynyń jabylý rásiminde sóılegen sózinde Elbasy Nursultan Nazarbaev osylaı málimdedi.
«Jarys jeńimpazdary men júldegerlerin osy mereıli sátpen shyn júrekten quttyqtaımyn. Dúbirli doda naǵyz myqtylardy anyqtap berdi. Azıada barysynda dostyqtyń izgi jalaýy jelbirep, qurlyq elderiniń ánurandary shyrqaldy. Bul sport merekesi táýelsiz Qazaqstan tarıhynyń jarqyn betteriniń birine aınalady dep senemin», - dedi Nursultan Nazarbaev. Elbasy Azıadany joǵarǵy deńgeıde ótkizýge úles qosqan barsha mamandarǵa, sportshylarǵa, qazaqstandyqtarǵa jáne baıraqty básekede Qazaqstan namysyn qorǵap, zor jeńisterge jetken sportshylarǵa da aıryqsha alǵysyn bildirdi.
Prezıdent Astanada jaǵylǵan Azıada alaýynyń ushqyny ár júrekte uzaq saqtalatynyna senim bildirdi.
