Nursultan Nazarbaev bıylǵy jylǵy mańyzdy saparlaryn atady
«Bıylǵy jyldyń jartysy aıaqtalyp keledi. Kópshilikterińizben birneshe elge saparlas boldyq. Eń birinshisi qańtardaǵy Amerıka Qurama Shtattaryna sapar esterińizde bolar. Sol jerdegi úlken bıznesmendermen kezdesip, 9 mlrd dollarǵa jaqyn qarajatqa eki eldiń arasynda kelisimge qol qoıyldy. Іle-shala olardyń kóptegen bıznesmeni Qazaqstanǵa kelip, bizdiń is adamdarmen kezdesip, taǵy da yntymaqtastyqty jalǵastyrdy», - dedi Nursultan Nazarbaev.
Memleket basshysy ekinshi mańyzdy sapary Reseıge jasalǵanyn atap ótti.
«Eki aradaǵy kóp máselelerge kelistik. Ásirese, Baıqońyrǵa Qazaqstannyń qatynasýy boldy. Baıqońyrdyń bir bóliginde «Báıterek» degen baǵdarlamany iske asyryp, 2022 jyldan basap tısti zymyran iske qosylady. Qazaqstanda jer serigin jasaıtyn zaýyt salynyp jatyr. Reseıdiń basyna túsip otyrǵan úlken qıynshylyqqa baılanysty batystyń kóptegen kompanııasy Qazaqstan arqyly jumys isteýden úmitti. Bizge de ol paıdaly», - dedi Elbasy.
Nursultan Nazarbaev úshinshisi Qytaıǵa memlekettik sapary jáne Tsındaodaǵy ShYU samıtine qatysý bolǵanyn aıtty.
«Endi minekeı, Qytaıǵa kelip otyrmyz. Bul elmen táýelsizdik alǵanǵa deıin eshqandaı qarym-qatynasymyz bolǵan emes. Kerisinshe, kezinde KSRO men Qytaı arasyndaǵy jaǵdaı shıelenisip, eki aradaǵy shekarada adamdar ólgen edi. Al Táýelsizdik alǵannan keıin, ásirese sońǵy 20 jyldyń ishinde eki eldiń arasyndaǵy qarym-qatynas jaqsara tústi», - dedi Elbasy.
Foto: akorda.kz
