Nursultan Nazarbaev bitimger bolý syryn túsindirdi
«Nelikten bitimgermin, meni nelikten shaqyrady? Álemdik dástúrli dinder sezi bizde nelikten ótedi? Sırııa, Ýkraına, Túrkııa men Reseı máselesi ne úshin bizde sheshiledi? Óıtkeni, bizdi birde bir memleketpen qarama-qaıshylyq, urys-keris joq. Biz ishimizde beıbitshilikte, kórshilerimizben tatý-tátti ómir súrýdemiz. Bul damýdyń basty tarmaǵy», - dedi Nursultan Nazarbaev.
Osy rette Elbasy Sırııa máselesine toqtalyp, soǵys bolyp jatqan kezde eshqandaı damýdyń bolmaıtyndyǵyn basa aıtty.
«Adamzat balasynyń Palmıra syndy eń úzdik eskertkishteri bombalanǵan kezde Sırııada qandaı damý bolmaq. Eń úzdik eskertkishter bombanyń astynda qalyp, halyq bosqynǵa aınaldy. Bosqyndar sany 5 mln adamǵa jetip otyr. Ol adamdardyń jaı-kúıin oılaýdyń ózi qorqynyshty, Qudaı basqa salmasyn. Ol jaqta gýmanıtarlyq apat ta oryn alýda jáne biz kómek jiberip jatyrmyz», - dedi Qazaqstan Prezıdenti.
