Nursultan Nazarbaev birqatar eldiń basshylarymen telefon arqyly sóılesti

ASTANA. QazAqparat - Nursultan Nazarbaev Armenııa Respýblıkasynyń Premer-Mınıstri Nıkol Pashınıanmen telefon arqyly sóılesti, dep habarlaıdy Aqorda.

Nıkol Pashınıan Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı qımastyq nıetin bildirdi.

Armenııa Premer-Mınıstri Nıkol Pashınıan Nursultan Nazarbaevtyń eki el arasyndaǵy ózara tabysty yqpaldastyqty damytýǵa eleýli úles qosqanyn atap ótti.

Sondaı-aq, Nursultan Nazarbaev Ózbekstan Respýblıkasynyń Prezıdenti Shavkat Mırzıeevpen telefon arqyly sóılesti.

Shavkat Mırzıeev Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı zor qımastyq nıetin bildirdi.

Ózbekstan Prezıdenti Shavkat Mırzıeev Nursultan Nazarbaevty «osyndaı mańyzdy sheshim qabyldaı biletin uly saıasatker ári Prezıdent» dep atady.

Elder kóshbasshylary aldaǵy ýaqytta turaqty baılanystaryn jalǵastyra berýge ýaǵdalasty.

Sonymen qatar, Nursultan Nazarbaev Qyrǵyz Respýblıkasynyń Prezıdenti Sooronbaı Jeenbekovpen telefon arqyly sóılesti.
Sooronbaı Jeenbekov Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı qımastyq nıetin bildirdi.

Qyrǵyzstan Prezıdenti Sooronbaı Jeenbekov Nursultan Nazarbaevtyń eki el halyqtary arasyndaǵy baýyrlastyq qarym-qatynastardy nyǵaıtýǵa zor úles qosqanyn atap ótti.

Elder kóshbasshylary aldaǵy ýaqytta turaqty baılanystaryn jalǵastyra berýge ýaǵdalasty.