Nursultan Nazarbaev birinshi synypqa barady
ASTANA. 2 qyrkúıek. QazAqparat - Osydan dál jeti jyl buryn, qarashanyń jıyrma biri kúni, qarapaıym qarataýlyq Jumaǵulov Nazarbaıdyń otbasy keremet qýanyshqa keneldi, Nazekeńiń kelini Shámshat dúnıege shekesi torsyqtaı ul ákeldi.
Prezıdenttiń júrgizip otyrǵan saıasatyna, atqarǵan eren eńbegine dán rıza Nazarbaı, nemerem óskende Qazaqstannyń prezıdenti bolady dep yrymdap, armandap «Nursultan» degen esimdi qalaǵan. Aıtsa aıtqandaı, sáıkestikter jeterlik. Náresteniń aty da, famılııasy da Nursultan atasyna saı kelip tur.
Nursultannyń atasy Nazarbaı uzaq jyldar boıy mashınanyń qulaǵyńda oınap, júrgizýshi bolsa, ájesi Amankúl dúkende satýshylyqpen aınalysty. Osydan eki jyldaı buryn Nazekeń ózi bas bolyp, otbasy músheleriniń kómegimen kirpish quıyp, batpaq aıdady. Sóıtip, Qarataý qalasynyń bir shetinde azyq-túlik dúkenin ashty.
Qalanyń shetki pushpaǵynda turatyn turǵyndar dúkenderdiń qashyqtaý ornalasqanyna baılanysty, ásirese, jaýyn-shashyndy kúnderi kóp qıynshylyq kóretin. Endi mine, úıleriniń irgesinde turǵan azyq-túlik, usaq-túıek taýarlar satýǵa arnalǵan dúkennen qajetti zattaryn «esikten attaı salyp» ala alady.
Nursultan balaqaı bolsa, alǵyr, eńbekqor jáne tilalǵysh bolyp ósip keledi. Estigenin, kórgenin dereý qaǵyp alyp, jadynda saqtaı biledi. Sýretti de sheber sala alady. Qudaı qalasa, Nursultan atasyndaı «segiz qyrly, bir syrly» bolatyn múmkinshiligi bar. Mektep tabaldyryǵyn attaýǵa asyǵyp: «Qashan oqýǵa baramyn?» - dep typyrshyp júr.
Qadamyń qutty bolyp, bilimniń asqar shyńyn baǵyndyr. Oqy, úıren, talpyn. Armanyńa qanat bitip, búkil qazaqtyń maqtanyshyna aınal dep tileımiz. Ol keshe tuńǵysh ret mektep tabaldyryǵyn attady.
Maqala «Egemen Qazaqstan» gazetinde jaryq kórdi: http://www.egemen.kz/2012/09/01/345519/
