Nursultan Nazarbaev bılik tranzıti týraly pikir bildirdi
«Bılik tranzıti týraly suraq jıi qoıylyp júr. Meniń mandatym 2020 jyldyń sońynda aıaqtalýy tıis edi, biraq men osyndaı sheshim qabyldadym. Nege? Oǵan ne sebep boldy? Eń aldymen, men Prezıdent laýazymyn naǵyz tanymal shaǵymda qaldyrdym. 2015 jyly saılaýda men 96% daýys jınadym. Meniń ketkenim úshin halyq qamyqqanyn bilemin. Biraq, bul biregeı oqıǵa emes. Bir kezderi De Goll de laýazymynan bas tartqan, Lı Kýan ıÝ, Mahathır myrzalar da ózi ketken», - dedi Nursultan Nazarbaev jyl saıynǵy Astana club paneldik otyrysynda.
Ol sovet kezinen beri Qazaqstan basshylyǵynda bolǵanyn atap ótti.
«1984 jyly meni Qazaqstan mınıstrleri keńesiniń tóraǵasy etip saılady. Sodan bergi 35 jylda – KSRO ydyraýynan keıingi aýyr jyldar bastan ótti, alyp memleket qırady. Barlyq baılanys úzildi, 2 mıllıon adam jumyssyz qaldy, elektr qýaty joq, dúkende nan men sút, shujyq joq. Men Qazaqstandy osy kúıinde qabyldap aldym. Bul jyldary el ekonomıkasy 20 ese kóterildi, halyqtyń ál-aýqaty 19 ese ósti. Biz álem kartasynda bolmaǵan memleketti qurdyq. Qazir bul memleket álem kartasynda bar jáne qurmet-bedelge ıe», - dedi Elbasy.
Tuńǵysh Prezıdent barlyq shekara boıynsha dostyq ahýal ornaǵanyn jetkizdi.
«Shekaranyń 14,5 myń shaqyrym perımetri hattalǵan, shekaramyz aıqyndalǵan. Shekarasyz memleket bola ma? Kartaǵa qarasańyzdar, soltústikte Reseımen 7 myń shaqyrym ortaq shekaramyz bar. Shyǵysta Qytaımen – 1600 shaqyrym, ońtústikte Qyrǵyzstan, Ózbekstan, Túrkmenstanmen – 4 myń shaqyrym shekaramyz bar. Mundaı ortada bizdiń kópvektorly saıasatymyz eshkimniń aýmaǵyna enbeı, teń qarym-qatynas qurýǵa negizdeledi», - dedi N. Nazarbaev.
